Aighneas Iascaireachta 1935

Teideal: Aighneas Iascaireachta 1935
Cur Síos: I lár shamhradh na bliana 1935 thug tuairim is cúig fhear fhichead de chuid mhuintir na háite – an Tulaigh, Baile na hAbhann, an Chloch Mhór – aghaidh ar Loch na Creibhinne, nó Loch Bhaile na hAbhann, agus chuaigh siad ag iascach sa loch, a bhformhór ón mbruach, ach chuaigh triúr nó ceathrar amach i mbád. Iascach mar dhea a bhí ar siúl ag an gcuid is mó acu – d’admhaigh duine den lucht eagraithe, Séamus Ó Conghaile as Baile na hAbhann (Séamus Phat Shéamuis), ina dhiaidh sin gur slat sailí agus píosa twine ceangailte de a bhí aige féin. Tamall ina dhiaidh sin tháinig an té a mba leis cearta iascaireachta na locha, Michael Wallace, ar an láthair, le beirt ghardaí, agus tógadh ainmneacha.
Údar: Lochlainn Ó Tuairisg
Ábhar na hIrise: Stair, Iascaireacht
Bliain: 2019
Aitheantóir: BI2019A28
Réimse Tíreolaíochta: Loch na Creibhinne
Cineál Míre: Téacs
Teanga: ga
Foinse: Bailiúchán Biseach